Ako si PAB, Oh Eh Ano Ngayon?

Dear KaPAB,

Hayaan niyo na sa akin manggaling ang katotohanan. Opo, si PAB at si Ms. Jover Laurio ay iisa.

Isa lang ordinaryong tao si PAB,  na araw-araw binabash ngayon sa social media ni Thinking Pinoy a. k. a. RJ Nieto  and his minions.

Etong week na to was the hardest for me and my family. Nag file na ako ng leave of absence from work because of the threats and hate messages I have been receiving from my personal account both from Twitter and Facebook. I have filed a leave of absence from school too.

These people are trying to destroy my life by exposing my picture, my real name  and my school. Araw-araw the attacks are escalating. Siguro lahat ng klase ng pambabalahura naranasan ko na from DDS minions. Nanay ko naapektuhan na but she said “laban lang”.

As Jover Laurio, I was crying everyday. As PAB I tried to be brave and continue blogging. But I think it is time for me to fight back. Lahat ng pambabastos nila need to stop. May hangganan pala ang lahat. Oras na para lumaban.

I have already talked to some lawyers and I will be filing criminal and civil case. A group of lawyers offered their services pro bono. Atty. Florin Hilbay also offered to help.

Pinaglalaban ko dito ay ang karapatan ko magpahayag. Kung ang bawat pumuna sa gobyernong ito ay sisirain nila ang buhay, I guess it is time to resist.

Maaring iisang tao lang si Jover Laurio, pero marami si PAB.

Makikita mo si PAB sa bawat Pilipinong nagsasawa na sa fake news at pagsisinungaling na ginagawa ng mga propagandista.

Makikita mo si PAB sa bawat inang nawalan ng anak dahil sa EJK.

Makikita mo si PAB sa iyak ng mga kabataan na naulila sa magulang kasi pinatay ang mga magulang nila ng walang due process.

Makikita mo si PAB sa bawat manggagawa nakikipag buno sa traffic araw-araw na hanggang ngayon ay hindi pa din nabibigyan ng solusyon ng gobyernong ito.

Makikita mo si PAB sa bawat guro na ultimo chalk allowance nila ay pinagdamutan pa ng administrasyong ito.

Makikita  mo si PAB sa mga sundalong pilit na binabantayan ang mga teritoryo natin sa West Philippine Sea habang si Cayetano at Duterte ay hindi man lang pinaglalaban ito.

Makikita mo si PAB sa bawat OFW na nagsisikap sa ibang bansa na umuwing luhaan, kasi dinatnan na bangkay ang mahal sa buhay.

Makikita mo si PAB sa bawat isang tax payer na nagkakanda kuba na sa pagbabayad ng buwis, pero winawaldas lang ng pamahalaan pambayad sa propagandista at sa ibat ibang junket.

Makikita mo si PAB sa mga taong umasa ng matinong pagbabago at nabigo kasi madugong pagbabago ang nagaganap. 

Oo, Maria Josephina Vergina Laurio is Pinoy Ako Blog and I will see you all in court.

Sugatan man pero Patuloy na Lalaban,

PAB/Jover

Facebook Comments

Leave a Reply

Your email address will not be published. Required fields are marked *